SOLOMON ENA ANE 4:3-13

³Udumu bibinadia na varo kakakakadia na heheto; udumu na mai hairaina. Vahamu ruaosi na rimono huahuana e ivaia parara na heto, vairamu iḡovalaina dabuana murinai.

⁴Aiomu na David ena kohoro na heto, ena tuari ḡaudia e haboumu gabuna; unuseni ai kesi daha-ta hetau dadae, iboudiai na tuari taudia edia kesi.

⁵Ratamu ruaosi na uda nanidia natudia rua na heheto, uda nanina hahinena natuna vara-hekapa, sosana bogaragidiai e anianimu ḡaudia.

⁶Lau na muro ororona bainala, lebona ororona baina lao henia, ela bona dina baine keruma, bona hanua baine boi.

⁷Egu lalokau e, oi na hane namo; oi na asi bebeka-bebekamu.

⁸Adavagu e, Lebanon amo baita raka hebou, Lebanon amo baita raka hebou. Amana bona Seniri bona Heremon ororodia doridia, bona leona edia kohua bona taiga edia ororo, ba rakatanidia.

⁹Taihugu e, adavagu e, lalogu vada o hamanokaia. Matamu ena halari tamona ai, aiomu agevana ena herahera nadina tamona ai, lalogu vada o hamanokaia.

¹⁰Taihugu e adavagu e, emu uraheni na daka gaiho! Emu uraheni ese vine ranuna e hereaiamu, emu dehoro bonana ese muramura iboudiai bonadia e hereadiamu.

¹¹Adavagu e, bada-ranuna na udumu bibinadia amo e hetuturumu, bada-ranuna bona rata na malamu henunai; emu dabua bonadia na Lebanon bonana na heto.

¹²Taihugu, adavagu, na e hekou kunuka-kunuka umana; e hekou kunuka-kunuka umana, e hekou ahu ranuna.

¹³Emu uma ai e varamu ḡaudia na rimono audia mai huahuadia herea-daedia, bona kofere bona nerede;