Solomon 4:8-11

⁸Meri bilong mi, yu kam wantaim mi na mitupela i lusim ol maunten bilong Lebanon na mitupela i go. Yu lusim het bilong maunten Amana na maunten Senir na maunten Hermon na yu kam daun. Ol laion na ol arapela wel abus i stap long ol dispela maunten.

⁹Yu meri bilong mi na yu lewa tru bilong mi. Yu lukim mi liklik tasol na yu katim lewa bilong mi. Mi lukim bis long nek bilong yu na mi pundaun tru long yu.

¹⁰Yu meri bilong mi na yu lewa tru bilong mi, yu laikim mi tumas na mi amamas tru. Dispela laik bilong yu i swit tumas, na i winim swit bilong wain. Smel bilong sanda yu bilas long en i winim smel bilong olkain gutpela paura.

¹¹Yu gutpela meri bilong mi, toktok bilong yu i swit long yau bilong mi, olsem hani i swit long maus. Toktok bilong yu i gutpela tumas olsem susu bilong dring. Klos bilong yu i gat gutpela smel olsem gutpela smel bilong ol maunten bilong Lebanon.