Solomon 4:2-8

²Nago kele tedela mu yali, te tedela sipsip tigi wali augwaligo tigi nisi poalama, te augwali megi tama ąį telawai tiwai yali. Nago kele deli me degebeo. Menio. Tigidali bugagia elalubao.

³Nago pedauwali te mama name ugwa tiwai mu yali. Nago pedauwali te gasa sawia pai mu da. Te name ugwago nago gesabidi sesela sali, tiali goli eno nago gesabidi ula elalubo suali.

⁴Nago dogoni te gasa sawi yai mu, te king Devitgo uganu sę yani wiegi yai bobobage be taua tiwai dao. Te nago magede domane sawi yai beli da, te ami bidi dabe hauwago sabele dabe tiwai te uganu mu sę yani bobobage be tauade paide wawalo pali tiwai elalubao.

⁵Nago ame si da, te wiegi yai bulu uni hasa sigo te plaua dabe tomode nosai tudubo tiwai elalubao.

⁶Nage te denami ebo wiegi yai nai dabego te bulu du me delide pągąnąlubo tiwai dao. Tama ena te bulu duba bidigi pelama bididubadi, te giliga dega sigulama, te bulu kedau ebo sogoba usu naibao.

⁷Eno abagi, nage gasa sawia pai mu da. Te nago tigide masalu deli me elalubeo.

⁸Eno we o, nage ena dali asobaso, da sigo te Lebanon bulu du dabe tagalama, da si pinao. Nago te bulu du Amana, me te bulu du Senir, me te bulu du Hermon tagalama, te nage aiyaba dulao. Te laion dabe, me gasa bulu uni hasa dabe te bulu du dabede bidibao.