Solomon 3:2-8

²Umbe, mid-enew a ne mid-eneb ku hipenawa is inged, is menge zalan, wey is menge pelasa. Mibpen-ehè ku is minahal ku piru wazè ku sikandin maahà.

³Naahà a te menge vantey zutun te edrunda sikandan dutun te inged. Mid-insaan ku sikandan te, “Neehè niw ve is minahal ku?”

⁴Ne wazè en meuǥet dutun te ked-ewai ku zuen te menge vantey ne neturedu ku is minahal ku. Mibpurungan ku sikandin kepkepi, ne wazè ku en lekai taman te neuwit ku sikandin diyà te valey te iney ku, ziyà te ruǥu he zutun a meetew.

⁵Sikiyu is menge vahi ziyà te Jerusalem, penangdù kew pinaaǥi te selazeng wey gasila he kenè niw ebpukawen is kebmahal zutun te kenè pa hustu he timpu.

⁶Hentei heini is ebpekeuma he ebpuun te sibsivayan he henduen be te mekepal he evel he ebmeǥuymuyan te kehemut te mira wey beyewà–menge pehemut he ibelegyà te menge nigusyanti?

⁷Iyan heeyan sikan is kerwahi ni Solomon he edliǥuyan te 60 he utew memetau he menge sundaru te Israel.

⁸Pudu sikandan midseseluniket te ispada, ne memetau sikandan he ebpekidtebek. Mibpengendaman dan is edsurung minsan ke mezukilem.