Solomon 2:9-16

⁹iring te selazeng. Ahàa niw man, diyà sikandin te gawas is edhithitindeg diyà te kilid te elavat dey is ebpantew kedì diyà te sulawà.

¹⁰Migkaǥi sikandin kayi te kedì te, “Hendini kad is pelanggè ku. Duma ka kedì, is minahal ku he utew mekempet.

¹¹Netapus en is timpu te meǥenew wey tipenguzan.

¹²Nemekar en is menge vulak diyà te menge pemuleey, ne timpu en heini te kegkanta. Egkezineg en diyà te menge pemuleey is laǥeng te menge merepatik.

¹³Ebpemeǥas en is menge higus, ne ebmeǥuymuyan en is ebpengevukad he menge paras. Hendini kad is pelanggè ku. Duma ka kedì, is minahal ku he utew mekempet.”

¹⁴Iring ka te merepatik he ed-eles diyà te vudsi te kelendiǥan. Ipeehè nu kediey is mekempet he zagwey nu wey ipezineg nu kedì is menayù he laǥeng nu.

¹⁵Agpas kew! Hingutela niw is dezeisey he menge laku he edezaat te menge pemuleey te paras dey he ebpengevukad en.

¹⁶Kediey zà is minahal ku, ne kandin e zà. Ibpepenabtab din is menge uyaǥen din diyà te zuen duen menge liryu.