Text copied!
CopyCompare
Pohnpeian Bible with Apocrypha - Sohn - Sohn 8

Sohn 8:28-48

Help us?
Click on verse(s) to share them!
28Sises eri mahsanihong irail, 鈥淣i amwail pahn langahda Nein-Aramas, iei ahnsou me kumwail pahn ese me 鈥楴gehi iei ngehi.鈥 Eri, kumwail ahpw pahn ese me I sohte wiahki mehkot pein ngehi; ahpw ihte me I kin koasoia: mehkan me Sahmo ketin padahkihongieier.
29Oh ih me ketin kadariehdo kin ketin ieiang ie; iei me e sohte ketin likidmeliekiniehla, pwehki ei poaden wiewia mehkan me e kin ketin kupwurperenki.鈥
30Eri, me tohto me rong Sises ni eh mahsanih mepwukat, re pwosonla.
31Sises eri ketin mahsanihong mehn Suhs ako me pwosonlahr, 鈥淢a kumwail pahn peikiong ei padahk kan, kumwail uhdahn pahn wiahla nei tohnpadahk mehlel.
32Oh kumwail pahn dehdehki dahme mehlel, oh me mehlelo pahn kasaledengkumwailla.鈥
33Irail ahpw sapeng, patohwan, 鈥淜iht kadaudok en Eipraam, oh se saikinte wia lidun emen sang mahs kohdo. Ia wehwehn omwi mahsen, 鈥楰umwail pahn saledekla?鈥欌
34Sises ahpw ketin mahsanihong irail, 鈥淚 ndaiong kumwail ni mehlel: mehmen me kin wiahda dihp, iei ih me lidun dihp.
35Oh ladu men kaidehn towe mehlel en peneinei ehu kohkohlahte. Ahpw wahnedin peneinei men, iei ih me uhdahn tohn peneinei kohkohlahte.
36Eri, ma Sapwellimeo pahn kasaledengkumwailla, kumwail uhdahn pahn saledekla mehlel.
37I dehdehki me kumwail kadaudok en Eipraam kei, a kumwail ahpw kin song en kemeiehla, pwehki amwail sohte men peikiong ei padahk kan.
38I kin koasoakoasoia mehkan me Sahmo ketin kasalehiongieier, ahpw kumwail kin wia mehkan me samamwail ko padahkihongkumwailehr.鈥
39Irail ahpw sapeng, patohwan, 鈥淪amat, iei Eipraam.鈥 Sises eri ketin sapeng, mahsanih, 鈥淢a kumwail uhdahn nein Eipraam, kumwail pahn wiewia soangen doadoahk kan me e wiahier.
40Ahpw iet me I wiadahren: I kin padahkihong kumwail mehkan me mehlel me I rongasangehr Koht. Ahpw kumwail kin songosong en kemeiehla. Eipraam sohte wia soahng wet!
41Kumwail kin wiewia mehkan me samamwailo wiadahr.鈥 Irail ahpw sapeng, patohwan, 鈥淜aidehn kiht ipwin nenek kei; Samat metehmen, Koht kelehpw.鈥
42Sises ahpw mahsanihong irail, 鈥淢a uhdahn samamwail Koht, kumwail pahn poakohng ie, pwe I kohdo sang rehn Koht, oh iet ngehi. I sohte kohkihdo pein ei manaman, ahpw ih me ketin kadariehdo.
43Dahme kahrehda kumwail sohte kin wehwehki mehkan me I koasoia? Kaidehn pwehki amwail sohte kak rong ei padahk?
44Kumwail kadaudok en Tepil, pwehki iei ih samamwail, oh kumwail kin nantihong kapwaiada mehkan me samamwailo kin inengieng. Sangete nin tapio, ih sounkamaramas emen. E sohte kin miniminiong me mehlelo, pwehki me mehlelo sohte mi reh. Ni ahnsou me e kin koasoia likamw, e kin wiewiahte me e ahnlahr, pwehki ih likamw men, oh pil semen soangen likamw koaros.
45A iet kahrepen amwail sohte kin pwoson ie, pwehki ei kin padahkihong kumwail duwen mehkan me mehlel.
46Ihs nanpwungamwail me kak kadehdehda duwen dihp ehu me I wiadahr? Eri, ma I kin padahkihong kumwail mehkan me mehlel, a dahme kahrehda kumwail sohte kin pwosonkin ie?
47Mehmen me tepsang rehn Koht kin rong sapwellimen Koht mahsen kan. Ahpw kumwail sohte tepsang rehn Koht, iei me kahrehda amwail sohte kin men rong ie.鈥
48Mehn Suhs ako ahpw sapeng Sises, patohwan, 鈥淜aidehn kiht me pwung ni at koasoia me kowe mehn Sameria men oh ngehn suwed mie rehmwi?鈥

Read Sohn 8Sohn 8
Compare Sohn 8:28-48Sohn 8:28-48