Soakas 31:3-12

³Nimet kom sisla kuiyom ke inkanek in kosro, ac mani lom ke mutan; ma inge kunausla tari tokosra puspis.

⁴Lemuel, porongeyu. Tokosra uh tia enenu in nim wain, ku oasroasr ke mwe nim ku.

⁵Ke pacl elos nimnim uh, elos mulkunla ma sap, ac pilesrala enenu lun mwet ongoiya.

⁶Mwe nim ku uh ma na nu sin mwet ma apkuran in misa, ku elos su keoklana.

⁷Lela elos in nim mwe sruhi elos in mulkunla sukasrup lalos ac supwar lalos.

⁸“Kom in sramsram in aol mwet su tia ku in sifacna fahkak enenu lalos. Karingin suwohs lalos nukewa su mukaimtal ac kofla in sifacna.

⁹Aolulos sramsram, ac oru kom in sie mwet nununku suwohs. Karingin suwohs lalos su sukasrup ac kwaco.”

¹⁰Arulana upa in konauk sie mutan pah in ma nukewa! El saok liki wek yohk molo!

¹¹Mukul tumal uh filiya lulalfongi lal sel, ac el fah tiana enenu kutena ma.

¹²Ke lusen moul lal nufon mutan se inge oru na ma wo nu sin mukul tumal, ac tia oru kutena ma koluk nu sel.