Soakas 30:28-33

²⁸Kinoul — kom ku in sruokya soko inpoum, ac kom ku pac in konauk ke inkul fulat sin tokosra.

²⁹Oasr ma akosr arulana kato luman fahsr la uh:

³⁰lion — kosro soko ma ku emeet ac wangin sangeng lal sin kutena kosro;

³¹nani, won mukul, ac tokosra uh ke elos tu ye mutun mwet lalos.

³²Kom fin lalfon ac sifacna akfulatye kom in oru pwapa koluk, tui ac nunkala akwoya!

³³Kom fin arukak milk, na ac ekla butter. Kom fin fiskiya infwen sie mwet, ac srahsra. Kom fin akkasrkusrakyauk mwet, kom ac ongoiya.