Soakas 30:1-12

¹Pa inge kas in palu lal Agur, wen natul Jakeh. El fahk, “God El tia wiyu, God El tia wiyu, Nga munas ac wangin ku luk.

²Nga lalfon oana soko kosro, Ac wangin etauk lun mwet in nga.

³Nga soenna lutlut ke lalmwetmet, Ac wanginna etu luk ke God.

⁴Su nu sowak nu inkusrao ac sifilpa oatui? Su nu sruokani eng uh inpaol? Ku nokomla kof uh in sie ipin nuknuk? Ku oakiya masrol lun faclu? Kom fin etu, fahkak lah su el an, ac su wen natul.

⁵“God El akpwayei wuleang nukewa lal. El oana sie mwe loeyuk nu selos nukewa su suk in moulla yorol.

⁶Kom fin laesla kas lal ke kutena kas ma El tia fahk, El ac fah kai kom, ac akkalemye lah kom sie mwet kikiap.”

⁷O God, nga siyuk sum, ase nu sik ma luo inge meet liki nga misa:

⁸kasreyu ngan tia kikiap, ac oru tuh ngan tia arulana kasrup ku tia pac arulana sukasrup. Ke ma inge ase nu sik lupan mwe mongo ma ac fal nu ke enenu luk.

⁹Fin yokla ma oan yuruk, sahp nga ac fahk mu nga tia enenekom. A nga fin arulana sukasrup, sahp nga ac ku in pisrapasr ac akkolukye Inen God luk.

¹⁰Nimet akkolukye sie mwet kulansap nu sin mwet kacto lal. Sahp el ac selngawi kom ac kom ac eis mwata kac.

¹¹Oasr mwet su selngawi papa tumalos, ac tia akkalemye srui lalos ke nina kialos.

¹²Oasr mwet nunku mu nasnas na moul lalos, a pwayeiya uh yohk fohkfok lalos.