Soakas 26:12-20

¹²Sie mwet arulana lalfon, wo liki sie mwet su nunku mu el lalmwetmet tusruk el tia.

¹³Efu ku mwet alsrangesr se tia tufoki liki lohm sel? Mea el sangeng kac uh? Ya lion uh?

¹⁴Sie mwet alsrangesr el ikwot ikme fin mwe oan kial. El oana sie srungul ma ikakot ikakma ke hinges uh.

¹⁵Lupan alsrangesr lun kutu mwet uh oru elos srunga sifacna srukak mwe mongo nu inwalulos.

¹⁶Sie mwet alsrangesr el ac nunku mu el etu liki mwet itkosr su ku in aketeya nunak lalos arulana kalem.

¹⁷El su sroang nu ke sie akukuin ma wangin sripal nu kac, oana sie su tufoki nu inkanek uh ac sruokya sren soko kosro ngalngul sulallal.

¹⁸Sie mwet wel su orekmakin osra in pisr ma oasr e firir ke muta ah,

¹⁹el oana sie mwet su kiapwela mwet tulan lal, na tok el fahk mu el aksruksruk.

²⁰Fin wangin etong, e uh ac kunla. Fin wangin lesrik, ac wangin akukuin.