Soakas 10:5-14

⁵Sie mwet etu nunak el kosrani fukun ima lal ke pacl fal — sie mwe mwekin in motul ke pacl in kosrani.

⁶Sie mwet wo ac eis mwe insewowo, a kas lun sie mwet koluk okanla elah sulallal oan in el.

⁷Mwet wo uh esamyuk oana sie mwe insewowo, a mwet koluk fah sa in mulkinyukla.

⁸Mwet etu nunak elos engan in eis kas in kasru. Mwet kaskas lalfon fah kunausyukla.

⁹Mwet moul suwohs uh fah misla ac okak, a mwet sesuwos ac fah sruhu.

¹⁰El su okanla ma pwaye ac ku in pwanang lokoalok, a el su pulaik in kai ke orekma tafongla, ac orala misla.

¹¹Kas lun sie mwet wo oana sie unon in moul, a kas lun sie mwet koluk okanla elah sulallal oan in el.

¹²Srunga uh purakak lokoalok, a lungse fah nunak munas ke ma tafongla nukewa.

¹³Kas lun mwet lalmwetmet oasr kalmac, a mwet lalfon uh enenu in kalyeiyuk.

¹⁴Mwet lalmwetmet uh kena akyokye etauk lalos, a kas lusrongten lun mwet lalfon ac pwanma lokoalok.