27O Filip ušťiľa a geľa. Dikhľa muršes Etiopanos, savo sas baro manuš, eunuchos la Kandakakero, la kraľovnakero andral e Etiopija. Ov sas upral savoro lakero barvaľipen a sas andro Jeruzalem te lašarel le Devles.
28Džalas pale khere, bešelas pre peskero verdan a genelas le prorokos Izaiaš.
29O Duchos phenďa le Filiposke: “Dža pašeder a dochude o verdan.”
30Sar doavľa o Filip šunďa les te genel le prorokos Izaiaš a phenďa: “Či achaľos oda, so genes?”
31Ov odphenďa: “Sar šaj achaľuvav, te mange ňiko na sikavel?” A mangľa le Filip, hoj te bešel paš leste a te džal leha.
32Oda, so genelas le Devleskere Lavestar, sas kada: “Ľidžanas les sar ovečka te murdarel a avke sar o bakroro na del avri o hangos anglal oda, ko les strihinel, avke aňi ov na phundraďa peskero muj.
SKUTKI 8
SKUTKI 8:27-32