Text copied!
CopyCompare
Le Devleskero Lav Andre Romaňi Čhib 2019 - SKUTKI - SKUTKI 19

SKUTKI 19:1-9

Help us?
Click on verse(s) to share them!
1Sar o Apollo sas andro Korint, o Pavol phirelas pal o brehengere phuva a avľa andro Efezus. Ode arakhľa varesave učeňiken
2a phenďa lenge: “Chudľan le Sentne Duchos akor, sar pačanďiľan?” On leske odphende: “Mek aňi na šunďam, hoj hin o Sentno Duchos.”
3Ov lendar phučľa: “Ta akor, save boľipnaha san bolde?” On odphende: “Le Janoskere boľipnaha.”
4O Pavol phenďa: “O Jan bolelas vašoda, hoj o manuša pes te visaren le binendar a phenelas lenge, hoj te pačan andre oda, ko avela pal leste, andro Ježiš Kristus.”
5Sar oda šunde, dine pes te bolel andro nav le Rajeskero Ježišoskero.
6Paľis o Pavol pre lende thoďa o vasta, avľa pre lende o Sentno Duchos a vakerenas andro čhiba the prorokinenas.
7On savore sas vaj dešuduj (12) murša.
8O Pavol geľa andre sinagoga a vakerelas ode bi e dar vaj trin čhon. Vakerelas the sikavelas len pal o kraľišagos le Devleskero.
9Sar pes varesave na poddenas, na šunenas a namištes vakerenas anglo manuša pal o Devleskero drom, odgeľa lendar. Kidňa avri le učeňiken a vakerelas lenca andre hala le Tirannoskeri.

Read SKUTKI 19SKUTKI 19
Compare SKUTKI 19:1-9SKUTKI 19:1-9