Text copied!
CopyCompare
Le Devleskero Lav Andre Romaňi Čhib 2019 - SKUTKI - SKUTKI 15

SKUTKI 15:23-30

Help us?
Click on verse(s) to share them!
23Pisinde a bičhade lenca kada ľil: “O apoštola, o phuredera the o phrala andral o Jeruzalem pozdravinen le phralen andral o aver narodi andre Antiochija, Sirija the Cilicija.
24Šunďam, hoj varesave džene amendar tumen na den smirom le lavenca a previsarde tumare goďa, bo phenen, hoj tumen te občhinen (obrezinen) a te doľikeren o Zakonos. Ale amen lenge ňič na phenďam,
25vašoda pes savoredžene jekhetane dovakerďam, hoj kidaha avri muršen a bičhavaha len ke tumende le Barnabašiha the le Pavloha. On hine amare phrala, saven kamas,
26murša, save dine peskere dživipena vaš o nav amare Rajeskero le Ježišoskero Kristoskero.
27Vašoda bičhavas le Juda the le Silas, hoj the on korkore tumenge oda te phenen.
28Bo le Sentne Duchoske the amenge pes avke dičholas, hoj te na das tumenge ňisavo pharo prikazis, ča oda, so igen kampel:
29Hoj te na keren lubipen, te na chan o rat, oda, so hin obetimen le modlenge, aňi o mas le tasade džvirinendar. Te kada savoro doľikerena, mištes kerena. Ačhen Devleha!”
30Sar pes rozgele, doavle andre Antiochija, zvičinde le manušen andre khangeri a dine lenge o ľil.

Read SKUTKI 15SKUTKI 15
Compare SKUTKI 15:23-30SKUTKI 15:23-30