43Pal leste vakeren savore proroka, hoj andre leskero nav ela odmukle o bini sakoneske, ko pačala andre leste.”
44Medik o Peter vakerelas kala lava, avľa o Sentno duchos tele pre savorende, save šunenas o lav.
45O pačabnaskere le Židendar, save avle le Peteriha pes čudaľinenas, hoj the pro manuša, save nane Židi, hin avričhido o Sentno Duchos,
46bo šunde len te vakerel andre aver čhiba a te lašarel le Devles. Akor o Peter phenďa:
47“Či šaj vareko zaačhavel te bolel le paňeha olen, save priile le Sentne Duchos avke sar the amen?”
48A prikazinďa len te bolel andro nav Ježiš Kristus. Paľis les mangle, hoj te ačhel ode vajkeci dživesa.