Sentencoj 9:1-7

¹La saĝo konstruis sian domon, Ĉarpentis ĝiajn sep kolonojn.

²Ĝi buĉis sian bruton, verŝis sian vinon, Kaj pretigis sian tablon.

³Ĝi sendis siajn servantinojn, Por anonci sur la pintoj de la altaĵoj de la urbo:

⁴Kiu estas naiva, tiu sin turnu ĉi tien! Al la senspritulo ĝi diris:

⁵Venu, manĝu de mia pano, Kaj trinku el la vino, kiun mi enverŝis.

⁶Forlasu la malsaĝaĵon, kaj vivu; Kaj iru laŭ la vojo de la prudento.

⁷Kiu instruas blasfemanton, tiu prenas sur sin malhonoron; Kaj kiu penas ĝustigi malpiulon, tiu estas mokata.