Sentencoj 8:12-24

¹²Mi, saĝo, loĝas kun la prudento, Kaj mi trovas prudentajn konsilojn.

¹³Timo antaŭ la Eternulo malamas malbonon, Fieron, malhumilon, kaj malbonan vojon; Malsinceran buŝon mi malamas.

¹⁴De mi venas konsilo kaj bonaranĝo; Mi estas prudento; al mi apartenas forto.

¹⁵Per mi reĝas la reĝoj, Kaj la estroj donas leĝojn de justeco.

¹⁶Per mi regas la princoj Kaj la potenculoj kaj ĉiuj juĝantoj sur la tero.

¹⁷Mi amas miajn amantojn; Kaj miaj serĉantoj min trovos.

¹⁸Riĉo kaj gloro estas ĉe mi, Daŭra havo kaj justo.

¹⁹Mia frukto estas pli bona ol oro kaj ol plej pura oro; Kaj la rikolto de mi estas pli bona ol elektita arĝento.

²⁰Laŭ la vojo de vero mi iras, Laŭ la vojstreko de la justo;

²¹Por heredigi al miaj amantoj esencan bonon, Kaj plenigi iliajn trezorejojn.

²²La Eternulo min formis en la komenco de Sia vojo, Antaŭ Siaj kreitaĵoj, tre antikve.

²³Antaŭ eterno mi estis firme fondita, en la komenco, Antaŭ la kreo de la tero.

²⁴Kiam ankoraŭ ne ekzistis la abismoj, mi estis jam naskita, Kiam ankoraŭ ne ekzistis fontoj, ŝprucigantaj akvon.