Saylar 26:10-50

¹⁰Qorahla 250 yoldaşını od yandırıb yox edəndə yer yarıqları onları uddu. Qorahla birlikdə ölənlər başqalarına da bir ibrət oldu.

¹¹Qorahın nəsli isə ölmədi.

¹²Nəsillərinə görə Şimeonlular bunlardır: Nemuel soyundan Nemuel nəsli; Yamin soyundan Yamin nəsli; Yakin soyundan Yakin nəsli;

¹³Zerah soyundan Zerah nəsli; Şaul soyundan Şaul nəsli;

¹⁴Şimeon nəsilləri bunlardır, sayları 22 200 nəfərdir.

¹⁵Nəsillərinə görə Qadlılar bunlardır: Sefon soyundan Sefon nəsli; Haqqi soyundan Haqqi nəsli; Şuni soyundan Şuni nəsli;

¹⁶Ozni soyundan Ozni nəsli; Eri soyundan Eri nəsli:

¹⁷Arod soyundan Arod nəsli; Areli soyundan Areli nəsli.

¹⁸Qad nəsilləri bunlardır, sayları 40 500 nəfərdir.

¹⁹Yəhudanın iki oğlu var idi: Er və Onan. Onlar Kənan torpağında öldülər.

²⁰Nəsillərinə görə Yəhudalılar bunlardır: Şela soyundan Şela nəsli; Peres soyundan Peres nəsli; Zerah soyundan Zerah nəsli.

²¹Peres övladları bunlardır: Xesron soyundan Xesron nəsli; Xamul soyundan Xamul nəsli.

²²Yəhuda nəsilləri bunlardır, sayları 76 500 nəfərdir.

²³Nəsillərinə görə İssakar övladları bunlardır: Tola soyundan Tola nəsli; Puva soyundan Puva nəsli;

²⁴Yaşuv soyundan Yaşuv nəsli; Şimron soyundan Şimron nəsli.

²⁵İssakar nəsilləri bunlardır, sayları 64 300 nəfərdir.

²⁶Nəsillərinə görə Zevulunlular bunlardır: Sered soyundan Sered nəsli; Elon soyundan Elon nəsli; Yaxleel soyundan Yaxleel nəsli.

²⁷Zevulun nəsilləri bunlardır, sayları 60 500 nəfərdir.

²⁸Nəsillərinə görə Yusifin oğulları: Menaşşe və Efrayim.

²⁹Menaşşe övladları bunlardır: Makir soyundan Makir nəsli, Makir Gileadın atası idi; Gilead soyundan Gilead nəsli;

³⁰Gilead övladları bunlardır: İezer soyundan İezer nəsli; Xeleq soyundan Xeleq nəsli;

³¹Asriel soyundan Asriel nəsli; Şekem soyundan Şekem nəsli;

³²Şemida soyundan Şemida nəsli; Xefer soyundan Xefer nəsli.

³³Xefer oğlu Selofxadın oğlu olmadı, amma Maxla, Noa, Xoqla, Milka və Tirsa adında qızları var idi.

³⁴Menaşşe nəsilləri bunlardır, sayları 52 700 nəfərdir.

³⁵Nəsillərinə görə Efrayim övladları bunlardır: Şutelah soyundan Şutelah nəsli; Beker soyundan Beker nəsli; Taxan soyundan Taxan nəsli;

³⁶Şutelah övladları bunlardır: Eran soyundan Eran nəsli.

³⁷Efrayim övladlarının nəsilləri bunlardır, sayları 32 500 nəfərdir. Nəsillərinə görə Yusif övladları bunlardır.

³⁸Nəsillərinə görə Binyaminlilər bunlardır: Bela soyundan Bela nəsli; Aşbel soyundan Aşbel nəsli; Axiram soyundan Axiram nəsli;

³⁹Şufam soyundan Şufam nəsli; Xufam soyundan Xufam nəsli.

⁴⁰Belanın oğulları Ardla Naaman nəslindən törənənlər bunlardır: Ard soyundan Ard nəsli; Naaman soyundan Naaman nəsli.

⁴¹Nəsillərinə görə Binyamin övladları bunlardır, sayları 45 600 nəfərdir.

⁴²Nəsillərinə görə Dan övladları bunlardır: Şuxam soyundan Şuxam nəsli. Bunlar Dan nəslindən törənən nəsillərdir.

⁴³Hamısı Şuxam nəslindəndir, sayları 64 400 nəfərdir.

⁴⁴Nəsillərinə görə Aşerlilər bunlardır: İmna soyundan İmna nəsli; İşvi soyundan İşvi nəsli; Beria soyundan Beria nəsli.

⁴⁵Beria övladları bunlardır: Xever soyundan Xever nəsli; Malkiel soyundan Malkiel nəsli.

⁴⁶Aşerin Serah adında bir qızı var idi.

⁴⁷Aşer övladları bunlardır, sayı 53 400 nəfərdir.

⁴⁸Nəsillərinə görə Naftali övladları bunlardır: Yaxseel soyundan Yaxseel nəsli; Quni soyundan Quni nəsli;

⁴⁹Yeser soyundan Yeser nəsli; Şillem soyundan Şillem nəsli.

⁵⁰Naftali nəsilləri bunlardır, sayları 45 400 nəfərdir.