SANG'HANO 2:9-18

⁹Wayagwe wenekae wa Palitia, Media, na Elamu, na wayagwe wenekae wa Mesopotamia, Yudea, Kapadokia na wayagwe wolawa Ponto na Asia,

¹⁰Filigia na Pamfilia, Misili na ng'ambu za Libia behi na Kilene. Na wahenza wayagwe kulawa mdiwambo da Loma,

¹¹na Wayahudi wose na waja waitogole dini ya Kiyahudi, na wayagwe wanhu kulawa Kilete na Alabu. Na tweye towahulika vowolonga sang'hano ng'hulu ziyatendile Mulungu muulonzi wetu wenyego!”

¹²Wose wakanganya na kwazanywa, wakiiuza, “Mbuli ino nhegulo yake choni?”

¹³Ila wanhu wayagwe wawaponeza wolonga, “Wanhu wano wakoligwa!”

¹⁴Baho Petulo kema hamoja na watumigwa wa Kilisto longo dimwe na imwe, kenula dizwi kalonga, “Wayahudi wayangu na wanhu wose mkala Yelusalemu, tegelezeni goya, giladi muitange mbuli ino.

¹⁵Wanhu wano hawakoligwe kamba vimgelegeza mweye, kwavija sambi saa ndatu imitondo.

¹⁶Ila, mbuli ino iyo ilongigwe na muhokozi Yoeli,

¹⁷‘Mulungu kalonga, muna gamazua ga kimambukizo, kila munhu nomwitila Loho wangu. Wanenu wa kimbigalo na wa kitwanzi wohokola, wasongolo zenu wokona nzozi, na wavyele zenu wolota.

¹⁸Ona, vivija na watumigwa zangu wose, wakimbigalo na wakitwanzi, nowetila Loho wangu mmazua ago, na hewo wohokola.