Text copied!
CopyCompare
Lagano da Sambi kwa Wanhu Wose - Sang'hano - Sang'hano 2

Sang'hano 2:10-23

Help us?
Click on verse(s) to share them!
10kulawa Fulugia na Pamfulia, kulawa Misili na banzi za Libiya behi na Kilene. Wayagwe wetu walawa Lumi,
11Wayahudi na wanhu wengile dini ya Kiyahudi, na wayagwe wetu wolawa Kilete na Alabiya lakini kila imoja wetu kowahulika wolonga mbuli ng'hulu ziyatendile Mulungu kwa ulonzi wa kumwetu!”
12Wose wakanganya na kwazanywa, waiuza, “Mbuli ino fambulo jake choni?”
13Lakini wanhu wayagwe wawageweza, walonga, “Wanhu wano wakoligwa!”
14Abaho Petulo kema hamoja na watumigwa longo na imoja na kwa sauti ng'hulu kasonga kululongela ulunhu, “Mbwigazangu Wayahudi na mweye mose mukalaga isi ya Yelusalemu, nhegelezeni niwalongele fambulo da mbuli zino.
15Wanhu wano hawakoligwe, kamba vimugelegeza, sambi saa ndatu ya imitondo.
16Lakini, gano gago gayalongile mtula ndagu wa Mulungu Yoeli,
17Mulungu kolonga, ‘Vino vivo vondanhende mna isiku ya uhelelo, Nomgidila kila munhu Loho yangu. Wanenu wa kimbigalo na wakitwanzi wolagula mbuli zangu, wabwanga zenu wolagusiligwa vinhu na Mulungu, wavele wenu wolota nzozi.
18Ona, hata wasang'hanaji zangu wose wa kitwanzi na wa kimbigalo, nowagidila Loho yangu mna izisiku azo, na wao wolagula.
19Notenda unzonza kuulanga na vilaguso mwiisi. Hokuwa na damu, moto na yosi,
20Zuwa dogeligwa ziza, mwezi wogaluka mdung'hu kamba damu, ing'hali hainavika siku ija ng'hulu ya kwiza kwa Mndewa.
21Abaho, munhu yoyose yompula Mndewa kwa kutazigwa kokomboligwa.’ ”
22“Wanhu wa Izilaeli! Tegelezeni mbuli zino, Yesu wa Nazaleti kakala munhu wa udahi na kalagusigwa kumwenu kwa unzonza na vilaguso viyatendile Mulungu kubitila kumwake. Mweye wenyego muijuwa mbuli ino kwavija ilawilila bahano hamwenu.
23Toka mwaka Mulungu kajuwa na kalonda mweye mumgoge Yesu na mweye mumkoma kwa kuwaleka wanhu wotenda nzambi wamuwambe mumsalaba.

Read Sang'hano 2Sang'hano 2
Compare Sang'hano 2:10-23Sang'hano 2:10-23