Sandane 9:6-16

⁶Ɛ xɛtɛ ɛ fe kolontareyaan fɔxɔ ra, ɛ kisima nɛn, nayi ɛ ti xaxilimayaan kiraan xɔn.”

⁷Naxan na magele tiin maxadi, na konbin nan sɔtɔma. Naxan na muxu ɲaxin sɔnna fala a xa, na tɔrɔma nɛn.

⁸I nama magele tiin sɔnna fala alogo a nama i raɲaxu, koni i na fe kolonna sɔnna fala a xa, a i xanuma nɛn.

⁹I na fe kolonna maxadi, na nde sama nɛn a fe kolonna fari. I na tinxin muxun xaran, na a fekolonna nan xun masama.

¹⁰Fe kolonna fɔlɔma Alatala yɛɛragaxun nan ma. Muxu sariɲanxine fe kolonna findixi xaxilimayaan nan na.

¹¹N tan fe kolonna, n na i siin sogene rawuyama ayi nɛn, n yi ɲɛɛna ndee sa i ya siimayaan fari.

¹²Xa i findi fe kolonna ra, i tan nan a saranna sɔtɔma. Xa i findi magele tiin na, i tan nan tɔrɔ sɔtɔma.

¹³Xaxilitareyaan luxi nɛn alo ɲaxanla naxan sɔnxɔma. Xurutaren na a ra naxan mi sese kolon.

¹⁴A dɔxi a banxin dɛ ra, taan yire matexini.

¹⁵A lu dangu muxune xilɛ mɛnni naxanye sigama e yɛɛ ra tinxinni.

¹⁶A naxa, “Ɛ tan fe kolontarene, ɛ dangu be binni.” Xaxili mi naxanye ma, a ne nan xilima.