Sandane 7:8-25

⁸A yi danguma kiraan xɔn, dɛnaxan maso ɲaxanla nde konna kira fataden na a yi danguma a banxin mabinni.

⁹Sogen godomatɔɔn nan yi a ra, kɔɛna a li waxatin naxan yi, dimin yi so.

¹⁰Ɲaxanla yi mini a ralandeni, a maxidixi alo yalundena, kɔtɛ ɲaxin yi a bɔɲɛni.

¹¹Xurutaren nan yi a ra naxan mi yagima, a mi luyɛ a konni mumɛ!

¹²Waxatina nde, a sa kirane xɔn waxati gbɛtɛ a sa yama malandene yi, a dɔxi xɛmɛne yɛɛ ra kira xunne birin na.

¹³A yi na banxulanna suxu, a yi a sunbu. A yi a fala a xa a yɛɛni yalanxin na, a naxa,

¹⁴“N bata yi dɛ xuiin tongo n xa bɔɲɛ xunbeli saraxan ba Ala xa. To n bata a ba, na suben sa banxini.

¹⁵Nanara, n bata mini i ralandeni. N yi i tan nan fenma, anu n bata i to!

¹⁶N bata n ma sadeni tɔn bitingan faɲine ra, Misiran yamanan taa dugine.

¹⁷N bata mirihi latikɔnɔnna sa a ma, e nun wudi ige xiri ɲaxumɛn nun sinamon wudi ige xiri ɲaxumɛna.

¹⁸Fa be, en fa kafu han xɔtɔnni, en lu marafanna ɲaxunni!

¹⁹N ma xɛmɛn mi banxini, a bata siga yire makuyeni sigatini.

²⁰A bata a gbeti saseen xali, a rafexi, a mi fama fɔ kiken na kɔxɔ.”

²¹A to fatan falan tiyɛ, a yi a mabandun, a yi a rakunfa a fala ɲaxumɛne xɔn.

²²Sanɲa ma kedenni, a yi bira a fɔxɔ ra alo ɲingen naxan sigama a kɔɛ raxabadeni, alo daxun naxan xidima alogo a xa xuru,

²³han xalimakunla yi a bɔɲɛn sɔxɔn, alo xɔliin naxan so luti ratixin na, a mi a kolon a niin nan bama.

²⁴Nanara, n ma diine, ɛ tuli mati, ɛ n ma fala xuine fe liga ɛ yeren ma.

²⁵Ɛ bɔɲɛn nama mayenden ɛ bira na ɲaxalan sifan fɔxɔ ra, ɛ lɔ ayi a kirane xɔn.