Sandane 6:20-31

²⁰N ma diina, i fafe a yamarine suxu, i nama i nga xaranna rawolɛ ayi.

²¹E sa i xaxinli habadan, e bira i kɔɛ alo ɲɛrɛna.

²²E tima nɛn i yɛɛ ra i ya sigatine yi. E i kantanma nɛn i ya xixɔnli, i na keli, e yi i kawandi.

²³Amasɔtɔ yamarini itoe luxi nɛn alo lɛnpuna, xaranni ito findixi kɛnɛnna nan na. I xuru falan naxan i sɔnna yitama i ra, na i tima siimayaan kiraan nan xɔn.

²⁴E i ratangama nɛn ɲaxalan yalunxin ma e nun muxu gbɛtɛna ɲaxanla fala ɲaxumɛne.

²⁵I nama kunfa na ɲaxalan sifan xɔn a tofanna ma. I nama tin a i rakunfa a mato faɲin xɔn.

²⁶Amasɔtɔ yalunden na feen yatɛma buru xun kedenna saren nan na, muxu gbɛtɛ ɲaxanla i niin nan fɔxɔ ra.

²⁷Muxun nɔɛ tɛɛn sɛ nɛn a yibaan kui hali a dugin birin mi gan ba?

²⁸Muxun nɔɛ sigan tiyɛ tɛɛ wolonne fari hali a sanne mi gan ba?

²⁹Na luxi nɛn alo muxun na bira muxu gbɛtɛna ɲaxanla fɔxɔ ra, a na a yiin din a ra, na feen saranma a ra nɛn.

³⁰Yamaan mi muɲaden naɲaxuma xa a seen muɲaxi alogo a xa kamɛn ba.

³¹Koni hali na, a na suxu, fɔ a xa a se muɲaxin ɲɔxɔn fi dɔxɔ solofere a yanginna ra, a yii seene birin yi ɲan a konni.