Sandane 6:1-15

¹N ma diina, xa i bata dɛ xuiin tongo i muxu gbɛtɛna donla goronna tongo, xa i bata layirin xidi muxu gbɛtɛna fena nde yi,

²xa i bata i xunna raso fena nde yi i fala xuiin xɔn xa i bata suxu i ya tuli sa xuine xɔn,

³nayi i xa ito nan liga alogo i xa i yɛtɛ ba a yi, i to bata bira doli kanna ra. Siga, i sa i yɛtɛ magodo, i yi i adamadi boden mafan han!

⁴I nama i matabu, i nama i yɛɛn naxi,

⁵fanni i munma xunba a yii, alo bolena a yɛtɛ sɔtɔma donson na kii naxan yi, alo xɔliin naxan a yɛtɛ bama luti ratixin na.

⁶I tan muxu narixina, sa dondonla mato. I miri a fe raba kiin ma, i yi fekolonna nde sɔtɔ.

⁷Manga yo mi dondonla xun na, a xun mato muxu mi na, kuntigi mi a ma.

⁸Anu, a donseen namarama a waxatini, a balon malanma se xaba waxatini.

⁹I tan muxu narixina, i luma saxi han waxatin mundun yi? I kelima xixɔnli waxatin mundun yi?

¹⁰I na i sa, yeriyerinna yi dangu i ma ndedi, i xi ndedi, i yi i yiine filin e bode ma ndedi,

¹¹yiigelitɔyaan yi baga i ma alo mafu tiina, e nun setareyana alo muɲadena.

¹²Muxun naxan wule falane tima fuyantenna na a ra, muxu xaxilitarena.

¹³A yɛɛne magirama bodene yanfadeni, a lanfane rakolon a sanne ra wundoni, a yiine maliga.

¹⁴Tinxintareyaan nan a bɔɲɛni. A fe ɲaxini tɔnma waxatin birin, a yɛngɛne rakelima.

¹⁵Nanara, gbalona a sɔtɔma nɛn xulɛn, a halagi sanɲa ma kedenni a yigitɛgɛ.