Sandane 4:9-23

⁹A luma nɛn alo i xunna na maxidi hinanna ra, alo manga kɔmɔti mayilenxin na so i xun na.”

¹⁰I tuli mati n ma diina, i tin n ma falan ma, i ɲɛɛ wuyaxi sɔtɔma nɛn i ya siimayaan na.

¹¹N bata i xaran fe kolonna kiraan ma, n na i matinxinma sigati ki tinxinxin ma.

¹²Nayi, i sanna mi raxidɛ siga tideni, i mi birɛ i gideni.

¹³I xurun naxan sɔtɔxi, na ramara, kankan a ma amasɔtɔ i ya siimayaan binla na a ra.

¹⁴I nama ti muxu ɲaxine kiraan xɔn, i nama bira fe ɲaxi rabane fɔxɔ ra.

¹⁵I masiga e kiraan na. I nama dangu a xɔn. A matanga, i dangu yire gbɛtɛ.

¹⁶Muxu ɲaxin mi nɔɛ xiyɛ, xa a mi fe ɲaxin liga. Xixɔnla a gima e ma nɛn, xa e munma muxun nabira.

¹⁷Amasɔtɔ e baloma fe ɲaxin nan na, gbalon nafan e ma alo e na dɔlɔn min.

¹⁸Tinxin muxune sigati kiin fixa alo kuye yi yalanna subaxani, kɛnɛnna naxan sigan minɛ han yanyin yi dɛfe.

¹⁹Koni muxu ɲaxine sigati kiin findixi dimin nan na. E mi na seen toma naxan e rabirɛ.

²⁰N ma diina, n ma falane fe liga i yeren ma i yi i tuli mati n xuiin na.

²¹I nama ɲinan e xɔn, koni e ramara i bɔɲɛni.

²²Naxanye birin e sɔtɔma e siimayaan nun kɛndɛyaan nan fima ne ma.

²³I bɔɲɛn suxu dangu seen birin na, amasɔtɔ siimayaan binla nan na ra.