Sandane 4:18-26

¹⁸Tinxin muxune sigati kiin fixa alo kuye yi yalanna subaxani, kɛnɛnna naxan sigan minɛ han yanyin yi dɛfe.

¹⁹Koni muxu ɲaxine sigati kiin findixi dimin nan na. E mi na seen toma naxan e rabirɛ.

²⁰N ma diina, n ma falane fe liga i yeren ma i yi i tuli mati n xuiin na.

²¹I nama ɲinan e xɔn, koni e ramara i bɔɲɛni.

²²Naxanye birin e sɔtɔma e siimayaan nun kɛndɛyaan nan fima ne ma.

²³I bɔɲɛn suxu dangu seen birin na, amasɔtɔ siimayaan binla nan na ra.

²⁴I dɛɛn natanga wulen ma, i dɛɛn nama yanfa falane ti.

²⁵I yɛɛn xa lu tixi i yɛɛ ra, i matoon ti tinxinni i yɛtagi.

²⁶I dangu kirani tɔn, a yɛlan, i xa siga kira kɛndɛne nan tun xɔn.