Sandane 16:7-18

⁷Xa muxun sigati kiin nafan Alatala ma, a lanna rasoɛ hali e nun a yaxune tagi.

⁸A lan ndedi yi lu i yii tinxinni, benun tɔnɔ gbeena tinxintareyani.

⁹Muxuna a siga kiraan natama a bɔɲɛni nɛn, koni Alatala nan a sanna tidene ragidima.

¹⁰Mangana Alaa falane nan tima, a mi kitin sɛ tinxintareyani.

¹¹Sikeli tinxinxine birin fataxi Alatala nan na. A tan nan wali xɔri ligaseene birin na.

¹²Kɛwali ɲaxine mi rafan mangane ma, bayo tinxinna nan e mangayaan sɛnbɛ soma.

¹³Tinxin muxuna falan nafan mangane ma, ɲɔndi falan nafan e ma.

¹⁴Mangana xɔlɔn faxan nan tima, koni xaxilimaan fatan a raxunbelɛ.

¹⁵Mangan na sɛwa, siimayaan na a ra, a fanna luxi nɛn alo kundaan naxan fama tulen na.

¹⁶Fe kolonna sɔtɔn tɔnɔn gbo dangu xɛmaan na pon! Xaxilimayaan sɔtɔn fisa gbetin xa ki faɲi!

¹⁷Muxu faɲine kiraan mi sigama fe ɲaxin mabinni. Naxan na a yengi dɔxɔ a sigati kiin xɔn, na a niin nakantanma nɛn.

¹⁸Kalan fama wason nan xɔn. Naxan na a yɛtɛ yite, na fe godomatɔɔn nan na ra.