Text copied!
CopyCompare
Kisin Kiraan Kitabuna - Sandane - Sandane 14

Sandane 14:22-34

Help us?
Click on verse(s) to share them!
22Naxanye fe ɲaxini tɔnma, ne mi lɔma ayi ba? Koni naxanye fe faɲin mirima, hinanna nun lannayaan ne nan xa.
23Tɔnɔn wali xɔdɛxɛ birin yi koni falan gbansanna fama yiigelitɔyaan nan na.
24Nafunla luxi nɛn alo fekolonne mangaya taxamaseri kɔmɔtina, koni xaxilitarene daxuyaan naɲanma daxuyaan nan ma.
25Sere ɲɔndi falan muxune niine rakisima, koni wule seren yanfan nan soma.
26Naxan gaxuxi Alatala yɛɛ ra, na ratangaxi, yigiyadena a diine xa.
27Siimayaan binla nan Alatala yɛɛragaxun na, a muxun bama nɛn sayaan lutin na.
28Yamaan na gbo ayi, mangana binyen nan na ra, yamaan na xurunɲɛ ayi, kalan nan na ra mangan ma.
29Naxan diɲa, na famunna gbo. Koni naxan xɔlɔn xulɛn, na a xaxilitareyaan nan mayitama.
30Bɔɲɛ xunbenla nan kɛndɛyaan na fatin xa. Koni xɔxɔlɔnna findixi furen nan na fatini.
31Naxan na sɛnbɛtarene ɲaxankata, na e da mangan nan naɲaxuxi. Koni naxan na hinan tɔrɔ muxune ra, na bata Ala binya.
32Muxu ɲaxina wali ɲaxin nan a rabirama, koni hali sayaan tinxin muxun li, a yigiyaden sɔtɔma nɛn.
33Fe kolonna xaxilimaan nan bɔɲɛ yi, koni hali xaxilitarene yɛ, a makɛnɛnxi.
34Tinxinyaan nan yamanan nasabatima, koni yulubin findixi yagin nan na siyane ma.

Read Sandane 14Sandane 14
Compare Sandane 14:22-34Sandane 14:22-34