San Lucas 22:56-65

⁵⁶Néese inanái íibaidéechúa néeni uicáca Pedro yáawinacawa ìyaca yàanabàca quichái, yá uicáidaca irí. Néese úumaca nalí: —‍Yá asìaliquéi Jesús yáapichéeri —‍úumaca nalí.

⁵⁷Quéwa, Pedro icàlidaca ichìwawa, íimaca càmitasa yáalía Jesús ìwali. Yá Pedro íimaca ulí: —‍Pía, inanái, càmita núalía ìwali —‍íimaca yái Pedroca, cáalucáináni.

⁵⁸Néese áiba iicácani, yá íimaca Pedro irí: —‍Pía nacái néená, níara yáapichéeyéica —‍íimaca. Quéwa Pedro íimaca irí: —‍Càmíirita, asìali, càmíirica néená núaquéi —‍íimaca yái Pedroca, ipíchaná náibàacani.

⁵⁹Néese batéwa abéeri hora idénáami àniwa áiba íimaca nalí àniwa cachàiníiri iyú: —‍Báisíta, yáapichéerimicani yái asìalica, yácáiná Galilea yàasu cáli néeséeri nacáicani —‍íimaca nalí Pedro ìwali.

⁶⁰Quéwa Pedro íimaca irí: —‍Pía, asìali, càmita núalíawa càinácaalí íimáanáca yái píiméerica —‍íimaca yái Pedroca. Idècunitàacá Pedro itàaníca nalí, yáta cawámai itàaca.

⁶¹Néese Jesús iwènúa iicáidaca Pedro irí, yáta Pedro iwàwalica tàacáisi Jesús icàlidéericaté irí: “Ipíchawáise cawámai itàaca yáta catáquéi, yá pimànipiná pichìwawa máisibàawiría, píimapiná càmitasa píalía nùwali”, càité Jesús íimaca Pedro irí.

⁶²Yá Pedro imusúacawa náicha, yá íicháaníca cachàiníiri iyú.

⁶³Néese níái úwica icuèyéica Jesús, naicáaníca iquíniná, nanúadáidaca nacái Jesús.

⁶⁴Nabàlìaca Jesús ituí, yá nanúadáidaca inàni ìwali. Néese náimaca Jesús irí: —‍Piwicùlida, picàlida walíni, ¿cawinásica níara inúadáidéeyéica pía? —‍náimaca, naicáaníca iquíniná.

⁶⁵Yá natàaníca ìwali madécaná báawéeri iyú, mamáalàacata naicáaníca Jesús iquíniná, nabáiniadacaténáni.