56Evocoiyase cuña mbiguai, osepiase Pedro, omahe tuprɨ iri sese aipo ehi: —Co ava avei niha acoi Jesús rupindar —ehi.
57Ahe rumo aipo ehiño: —Cuña, ndaicuai vahe ité ahe mbɨa —ehi.
58Iparemi tẽi ambuae osepiase aipo ehi chupe no: —Nde ité niha acoi supindar ereico —ehi. —Aní mbɨa, aipo ere tẽi, ndahei eté rumo che supindar aico —ehi.
59Ñepei hora paremi tẽi, ambuae aipo ehi chupe: —Supi eté rumo co ité supi secoi vahe. Esepia, Galilea ɨguar ité niha —ehi.
60Sese aipo ehi: —¿Mbahe vo catu aipo nde ñehesa? Ndasenducuai eté —ehi. Aipo ihe vɨteseve, oñehe tacura.