SAN LUCAS 22:4-24

⁴Huan yehhua oya quinita in tlayecancamen den tiopixcamen, huan in tlachixcamen den tiopantli, huan oquiniluic quen quinmactis in Jesús.

⁵Yehhuan opajque huan oquicocoltihque in tomin in Judas.

⁶Yehhua oquiseli huan oquitemo quenin quinmactis in Jesús ihcuac ahmo mayecan in tlacamen.

⁷Yoahsico in tonali den pascuahiluitl queman quicuahque in pantzin ahmo semauqui ihuan in colelo tlen quimictiyahque ic quichihuahque cuenta den tlacalpanolistli den ángel den miquilistli.

⁸Oncan Jesús oquintitlaniloc in Pedro huan Juan, huan oquiniluiloc: ―Xiyacan xicyectlalican in tlacuali den pascuahiluitl.

⁹Yehhuan otetlahtlanihque: ―Tel, ¿canin monequi maticchihchihuacan?

¹⁰In Jesús oquinnanquililoc: ―Ihcuac nanahsitisque ipan in altepetl, mechahsis se tlacatl quihuicatas se tzotzocoli in atl. Huan inon xicuitlapanuican hasta canin ahsitiu.

¹¹Huan xiquiluican in iteco in cali: “In Tlamachtiyani mitzualiluiya: Tel, ¿catle yeh in cuarto canin cuali ticuasque in tlacuali den pascuahiluitl ihuan notemachticahuan?”

¹²Oncan mechnextilis se hueyi cuarto tlayectlalili itzoncuac inon cali huan ompa xicyectlalican inon tlacuali.

¹³Yehhuan oyahque huan ocahsique nochin in quen Jesús oquiniluiloc. Huan oquichihchiuque in iluitlacuali.

¹⁴Ihcuac oahsic in horas, in Jesús huan in tetiotlatitlaniluan omotlaliloc inahuac in mesa.

¹⁵Oncan Jesús oquiniluiloc: ―Molui onicnec tictlaolichtisque inin iluitlacuali den pascua achto ic nimiquis.

¹⁶Tleca namechiluiya ahmo oc sepa nicchihuas hasta ihcuac matzonquisa ipan tetlatequiutilistzin Dios.

¹⁷Oncan omoan inon vaso den uvahtlayili huan omotlasohcamatiloc huan omihto: ―Xicanacan inin huan ximoxehxeluican.

¹⁸Tleca namechiluiya ahmo oc sepa niconis de inin uvahtlayili hasta ic hualahsis in tetlatequiutilistzin Dios.

¹⁹Oncan omoan in pantzin huan omotlasohcamatiloc huan omoxehxeluihque huan omoluihque: ―Inin yeh notlacayo tlen namechmactiliyahque. Ijcon xictlaolichtican ica nehhua.

²⁰Noyojqui ijcon omochiu ica in vaso satepa den iluitlacuali. Huan omihto: ―Inin vaso den uvahtlayili yehhuatl in noyes tlen mochayahua ica namehhuan, huan yehhua in tlen ic moteixmatiltiya melahuac ica inin yancuic mononotzalistli.

²¹’Huan axan nica tohuan tlacua in aquin nechtemactis.

²²Huan nehhua aquin Nitetiachicau ica nochin tlacatl nimiquis quen ca tlahcuiloli. ¡Huan tetlocolti in aquin nechtemactiya!

²³Oncan opeuque motlahtlaniyahque ic yehhuan aquin inon yes in tlatemactiyani.

²⁴Huan niman opeuque motlatlaxiliyahque ica yehhuan aquin ocachi hueyixtoc mochihuas.