38Quiaj tasajüw nej: ―Teat, alningüy ijtsüw espada ―ajüw. Quiaj tasaj nejiw: ―¡Lajlüy, atówan ayaj! ―aj nejiw.
39Condom Teat Jesús taw quiaj maquiiüb minipilan nej, tamb andüy wüx mitiüc Olivos atnej mbójan marang.
40Wüx tapeayiw quiaj, tasaj minipilan nej: ―Itüniün ocueaj Teat Dios, ngana aleaic marang wüx imbasan nimeech ―aj nejiw.
41Condom quiaj tacueat nejiw Teat Jesús, tamb tajüy atow nej atüch niüng alndom majlos noic piedra. Quiaj taquieel tiüt micos nej masaj Teat Dios,