San Lucas 1:52-59

⁵²Tøø jaꞌa gobiernä quiuhdujthajxy piǿjcäxä, tøø jaꞌa häyoobäjäyaꞌayhajxy miøjtägøꞌøy.

⁵³Tøø jaꞌa häyoobäjäyaꞌayhajxy cøx̱iä wiinä mioꞌoyii; cabä mäyøøjäyaꞌayhajxy tii tøø piaady.

⁵⁴Piuhbejt jaꞌa Dios jaꞌa judíoshajxy. Cøjxtaꞌaxiøø ñäxuuc̈h piaꞌhäyoy,

⁵⁵nebiä Abrahamhajxy jecy ñämaayyän, jaꞌa nhaphájtäm jaꞌa ndeedyhájtäm.

⁵⁶Tägøøgpoꞌo jaꞌa María jim̱ jiaac hijty maa jaꞌa Elisabetän. Mänit yhädaacnä maa jaꞌa quiajptän.

⁵⁷Mänitä Elisabet miaaxhuungpaatnä; yaꞌayhänaꞌc jaduhṉ miiṉgahw̱.

⁵⁸Mänitä Elisabet hoy quiuhixyíijäm jaꞌa jiujy jaꞌa miäguꞌughajxy møødä miädøjc‑hajxy. Mänit hajxy nägøx̱iä xiooṉdaacy coo Dios jaꞌa mayhajt jaduhṉ tøø tiuṉ̃.

⁵⁹Cuductujxøø jaꞌa pigänaꞌc hajxy hoy yajcircuncidarhadyii nebiä judíoshajxy hänajty quiuhdujthatiän. Mänit hajxy jia yajxøhataaṉ̃ Zacarías nebiä tieedy hänajty xiøhatiän.