San Lucas 19:9-13

⁹Jesús rëꞌ lëꞌ: ―Naꞌa dza ni bdxin yöl‑laꞌ ruslá quegac nup nacuáꞌ yuꞌu ni, le naquëꞌ caꞌ bönniꞌ ni zxiꞌn xsoëꞌ Abraham.

¹⁰Bidaꞌ nedaꞌ, Bönniꞌ Nuhuöaquëꞌ Gdu Bunách, dudiljaꞌ len dusláꞌ nup nanitgac.

¹¹Tsal niꞌ taꞌyönnëꞌ didzaꞌ ni ruꞌë Jesús, rëꞌ lequëꞌ le runëꞌ lsaquiꞌ, le chzoa laꞌdxinëꞌ Jerusalén, atiꞌ táquinëꞌ chzoatë glaꞌ lahui le rna bëꞌë Dios.

¹²Cni rnëꞌ Jesús: ―Zoëꞌ bönniꞌ blau, zijëꞌ tu yödz ziꞌtuꞌ quië siꞌ lu nëꞌë niꞌ yöl‑laꞌ uná bëꞌ, atiꞌ niꞌr huödëꞌ.

¹³Catiꞌ chzoa tsijëꞌ niꞌ bulidzëꞌ chiëꞌ bönniꞌ huen dxin queëꞌ, len bëꞌë qui queëquëꞌ tu cöꞌ hueaj dumí, rëꞌ lequëꞌ: “Gul‑quiljlen dumí ni tsal huödaꞌ.”