Text copied!
CopyCompare
Itlajtol Totajtsi Dios - San Juan - San Juan 9

San Juan 9:9-37

Help us?
Click on verse(s) to share them!
9Sikimeh okijtoayah: —Ye ni n tlakatl. Oksikimeh okijtoayah: —Nesi ijkó tlachixtok, pero amo ye. Pero inewia okimiliaya: —Ejé, ye ne.
10Ijkuakó okitlajtlanijkeh: —¿Kenijki ya weleti titlachia?
11Ye okinnankili: —Neká tlakatl non Itoka Jesús, okichijchi siki sokitl, onechxawili kan noixtololowah iwa onechili: “Ximoixpajpakati kan tanke de Siloé.” Ne onia iwa ijkuak yonimoixpajpak, oniwaltláchixki.
12Iwa oksepa okitlajtlanijkeh: —¿Kanin kajki non tlakatl? Ye okinmili: —Mach nikmati.
13Ijkuakó n tlakatl non amo otlachiaya okiwikakeh innawak n fariseos.
14Porke ijkuak Jesús okichijchi sokitl iwa okintlapoli ixtololowah n tlakatl, okatka sábado ijkuak yejwah mosewiah.
15Ijkuakó n fariseos oksepa okitlajtlanijkeh kenomi otláchixki, iwa ye okinnankili: —Onechxawili sokitl itech noixtololowah, onimoixpajpak, iwa axa ya nitlachia.
16Ijkuakó sikimeh fariseos okilijkeh: —Akin ijkó okichi amo walewatok de Dios, porke amo kitlakita n sábado ijkuak moneki se mamosewi. Pero oksikimeh okijtoayah: —¿Kenijki weletis se tlajtlakolchi ijkó kichiwas? N tlakah omoxexelojkeh.
17Ijkuakó oksepa okitlajtlanijkeh n tlakatl non amo otlachiaya: —¿Iwa te, tlan tikijtoa de neká tlakatl non omitsmák motlachialis? Ye otlanankili: —Ne nikijtoa Ye se profeta.
18N tlayakankeh judíojteh mach okineltokayah kox milák amo otlachiaya. Ijkuakó okinnotskeh intajwah,
19iwa okintlajtlanijkeh: —¿Ye ni nomotelpoch non nomejwah nonkijtoah amo otlachiaya ijkuak otlákatki? ¿Iwa axa kenomi ya tlachia?
20N tetajmeh otlanankilijkeh: —Ye totelpoch, iwa kuali tikmatokeh amo otlachiaya ijkuak otlákatki.
21Pero axa, amo tikmatih kenijki ya weleti tlachia iwa amo tikmati akin okintlapoli ixtololowah. Inewia xiktlajtlanikah, ye ya tlakatl iwa weletis nomechilis.
22N tetajmeh ijkó otlanankilijkeh porke okinmawiliayah n tlayakankeh judíojteh. Porke n tlayakankeh judíojteh yomotlatlalwijkeh ayakmó kinkawiliskiah makalakikah kan sinagoga akimeh kijtoskiah Jesús Ye n Cristo.
23Yika itajwah okijtojkeh: “Ye inewia xiktlajtlanikah porke ya tlakatl.”
24Ijkuakó n tlayakankeh judíojteh oksepa okinotskeh n tlakatl non achto amo otlachiaya, iwa okilijkeh: —Techili tlan milák ixpa n Dios, tejwah tikmatokeh non tlakatl, tlajtlakolchi.
25Ijkuakó n tlakatl non yotlachiaya okinnankili: —Ne mach nikmati kox tlajtlakolchi noso amó. Sanwel nikmatok, achto amo onitlachiaya iwa axa ya nitlachia.
26Iwa oksepa okitlajtlanijkeh: —¿Tlan omitstokti? ¿Kenomi omitsintlapoli moixtololowah?
27Ye okinnankili: —Ne yonomechili iwa amo nonnechkakih, ¿tleka nonkinekih oksepa manomechili? ¿Noiwa nomejwah nonkinekih nonyetoskeh itlamachtijkawah?
28Ijkuakó yejwah fiero okitenejkeh iwa okilijkeh: —Te yotimochi itlamachtijkau non tlakatl, pero tejwah tiitlamachtijkawah Moisés.
29Tejwah tikmatokeh Dios okitlapowi n Moisés. Pero non tlakatl, mach tikmatih kan owala.
30Ijkuakó n tlakatl okinnankili: —¡Kenijki! Ye onechintlapoli noixtololowah iwa nomejwah amo nonkimatih kan owala.
31Kuali tikmatih Dios amo kinkaki n tlajtlakolejkeh. Ye sanwel kinkaki akimeh kiweyijkachiwah iwa kichiwah tlan Ye kimonekiltia.
32Mach ayik tikkakih aka tlakatl makitlachialti se akin amo tlachia desde otlákatki.
33Tla nin tlakatl amo walewaskia de Dios, amitla weletiskia kichiwaskia.
34Yejwah okilijkeh: —Te otitlákatki ika miak tlajtlákoli, ¿iwa axa tikneki techmachtis? Ijkuakó okwalkixtijkeh de kan sinagoga.
35Jesús okima n tlakatl non okimák itlachialis okwalkixtijkeh de kan sinagoga, iwa ijkuak okinamik okili: —¿Te tikneltoka Ikone Dios?
36Ye okinankili: —Tejwatsi, techili akin ye iwa nikneltokas.
37Jesús okinankili: —Te yotikitak, iwa Ye Akin íwa timotlapowijtok.

Read San Juan 9San Juan 9
Compare San Juan 9:9-37San Juan 9:9-37