San Juan 9:6-15

⁶Jesús tsantisi, tobi pipi patarito, pipa nacá quito, quirano podeitonchi cacabi ilipoe.

⁷Junca iliposi, junto jide! tie. Siloé tinun pipilubi cacaca tsalede! tie. (Aman chiquilachi fiquichi ereca jun pica “siloé” tinun joe.) Junni ya quirano podeiton tsachi Jesús ereca jun jito, jun pipilubi tsalenue. Junto quirano poden manjae.

⁸Aman ya tsachi quirano podeiton jominnan lemosi cala panhato chumin jominue. Junni ya tsachica lemosi cala panhato chuminca quiramin jominlari yaca manquirato wepanalainue. Yachi quelole chuminlanan yaca manquirato wepanalainue quirano podeinueque. Junni itsanlatie: —¿Inni lemosi cala panhato chumin tsachi jomin jotun? latie.

⁹Weyanlari yare latie. Weyanlari yanan quiran jotonan, ya patsa itoe latie. Ya mantimini la jomanyoe tie.

¹⁰Junni uyanlari yabe panhato, ¿Ya jotori, niyaito manquirano podeiyun? latie.

¹¹Junni ya tsachi itsantie: —Jesús tinun tsachi pipa nacá quito, lachi cacaca ilipoto, Siloé pipilubi tsalesa tie tie. Junto lari junchi jito, tsaleto, manquirano podeiyoe tie.

¹²Junni yalari ¿ya Jesús tile nenan? latie. Junni manseica jun tsachiri miitoyoe tie.

¹³Junni quirano podeiton jomin manseica tsachica fariséolachica tanjilainue.

¹⁴Aman Jesús yaca pipa ilipoto manse suwanun mari jasaino ma jominhe.

¹⁵Junni fariséolanan yabe panhalaquinue niyaito quirano podeinunca. Junni lachi cacabi pipa ilipoe tinue. Junnan cacaca tsaleto, manquirano podeiyoe tinue.