Text copied!
CopyCompare
Juu³ tyʉ² ʼe gafaaʼ²¹ Dios tyaʼ tsá² - SAN JUAN - SAN JUAN 9

SAN JUAN 9:21-28

Help us?
Click on verse(s) to share them!
21Pe jo né²e'e xiiala lɨ 'e la no nijnaa'²¹o. Jo mo la né²e'e 'iin gaun'lá² unníi¹i. Unngɨɨ¹ duu' 'ña'a no, tsʉ tsá² 'in nifee'¹mo no. 'Ña'a noo jmá¹a júu³ røø²¹.
22Jmii²¹i gajin'²in la joon tsʉ 'wii'¹³ 'e 'goo'²¹‑o. Tsʉ 'in tyʉ'² to² tsá² Israel gasɨ́ɨ²i røø²¹ 'e jo cwo¹gɨ tsataa²i inʉʉ cwo'¹ sinagoga jileei'²¹ 'in jin'² 'e Cristo Jesús.
23Tsu 'wii'¹³ joon gajin'² tsacøøi'¹³ tya'¹a: “Unngɨɨ¹duu' 'ña'a no, tsʉ tsá² 'in nifee'¹mo no.”
24Joon gatø'¹ø 'in tyʉ'²ʉ to² tsá² Israel do 'in tsañʉʉ'¹ ta tiui² do, joon gasɨɨ'²¹ɨ: ―Sii'¹³ jna'a júu³ ja'²mo tyani Dios. Jna'a ne²oo'o 'e tsá² røøi²¹ tsaa² tyi¹ 'ino.
25Joon gañii¹i 'in tsá² ta tiui² do: ―Jo ñí³ jna tɨ røøi¹ 'ino tsaa² tyi¹ sɨ jo røøi²¹ 'ee. Jiin'¹³ 'e ñí³ii 'e jna‑a tsá² ta tiuu²mo joon la no nijnaa'²¹oo.
26Joon gaunngɨɨ¹ɨ 'in tsá² do tún¹: ―¿'Ee gajmaa¹a tyi'i? ¿Xiiala jmaa¹a 'e gacwo'¹o 'nʉ unni²'i?
27Joon 'in tsá² ta tiui² do gajin'²in: ―Nifuu²¹²gɨ jna 'naa' joon jogɨ unjii²ii'. ¿'Ee lɨ' 'iin²¹²naa' 'e fo'³oo tún¹ 'e nifo'³oo do? ¿Tɨ 'iin²¹²naa' líin²naa' tsá² tya'a?
28Joon 'in tyʉ'² to² tsá² Israel do gauntyíi²in 'ido joon gasɨɨ'²¹ɨ 'ido: ―'Nʉ‑ʉ, lɨ́ɨ²u'u tsá² tya' 'in tsañʉʉ'¹ do pe jna'gɨɨ'ɨ lɨ́ɨ²na'a tsá² tya' Moisés

Read SAN JUAN 9SAN JUAN 9
Compare SAN JUAN 9:21-28SAN JUAN 9:21-28