San Juan 8:48-56

⁴⁸Ijkuakó n tlayakankeh judíojteh okilijkeh: —Yompa tlan tejwah tikijtoah, te de Samaria iwa tikpixtok se amokuali espíritu.

⁴⁹Jesús okinnankili: —Ne amo nikpia se demonio. Ne sanwel nikweyilia Notajtsi, pero nomejwah nonnechmawistetepewah.

⁵⁰Ne mach niktemoa manechweyilikah. Pero onka se Akin kimonekiltia manechweyilikah, iwa Ye Akin teixkomakah.

⁵¹De milajka, de milajka nomechilia, akin kitlakita notlajtol, ayik mikis.

⁵²Ijkuakó n tlayakankeh judíojteh okinankilijkeh: —Axa kuali tikmatih te tikpia se demonio. Abraham iwa nochteh n profetas omikkeh, iwa te tikijtoa: “akin kitlakita notlajtol, ayik mikis.”

⁵³¿Mach te okachi tiweyijkatitok ke Totata Abraham? Ye noiwa omikki iwa n profetas noiwa. ¿Akin te timomachilia?

⁵⁴Jesús okinnankili: —Tla san Ne nimoweyijkachiwa, noweyijkachiwalis amitla ipati. Pero Akin nechweyijkachiwa, Ye Notajtsi, Akin nomejwah nonkijtoah Nomodios.

⁵⁵Pero nomejwah mach nonkixmatih. Ne de milajka nikixmati, iwa tla nikijtoskia amo nikixmati, nixolopijtiskia kemi nomejwah. Pero Ne kema nikixmati, iwa nikchiwa tlan Ye nechnawatia.

⁵⁶Nomotata Abraham, opaki ijkuak okima niwalaskia, iwa ika itlaneltokalis onechitak iwa opakmik.