San Juan 8:31-34

³¹Ihcuacon Jesús oquimiluih in judíos tlen otlaniltocaqueh inauac: —Tla namehuantzitzin namonmocauah itich notlahtol, milauac namonisqueh notlasalohcauan,

³²uan nanconixmatisqueh in tlen milauac, uan in tlen milauac namechonquixtis temac.

³³Yehuan ocnanquilihqueh: —Tehuan itualeuah inauac Abraham, uan ayic itcateh temac queh esclavos. ¿Quenih itconihtoua ittechonquixtis temac?

³⁴Jesús oquimiluih: —Neh tlamilauca yec innamechoniluia, nochi naquin tlahtlacolchiua, yeh catqui temac itich in tlahtlacol.