Text copied!
CopyCompare
Chaʼ tsoʼo nu nchcuiʼ jiʼi̱ Jesucristo nu xuʼna na - SAN JUAN - SAN JUAN 8

SAN JUAN 8:13-19

Help us?
Click on verse(s) to share them!
13Liꞌ nacui̱ nguꞌ fariseo jiꞌi̱ Jesús: ―Sca ti nuꞌu̱ nda chaꞌ liñi cuentya jiꞌi̱ ycuiꞌ ca. Ná tucuá nguꞌ chaꞌ jinuꞌu̱ si chcuiꞌ nuꞌu̱ juaꞌa̱.
14Nguxtyacui Jesús chaꞌ loꞌo nguꞌ liꞌ: ―Tucuá nguꞌ chaꞌ nu ta naꞌ loꞌo nguꞌ tuꞌni. Masi sca ti naꞌ nda̱ chaꞌ liñi cuentya jiꞌi̱ ycuiꞌ ca naꞌ ―nacui̱ yu―. Cua jlo tiꞌ naꞌ macala ngutuꞌu naꞌ, loꞌo cua jlo tiꞌ naꞌ ma nde tsaꞌa̱; pana nu cuꞌma̱ ni, ná jlo tiꞌ ma̱ tsiyaꞌ ti mala ngutuꞌu naꞌ, ná jlo tiꞌ ma̱ ma nde tsaꞌa̱ ―nacui̱ Jesús jiꞌi̱ nguꞌ―.
15Cua laca ngusta ma̱ yabeꞌ chu̱ꞌ naꞌ. Loꞌo ndyuꞌni ma̱ juaꞌa̱, ndyuꞌni ma̱ ñiꞌya̱ nduꞌni ñati̱ chalyuu ti. Siꞌi na lijya̱ naꞌ chalyuu chaꞌ sta naꞌ yabeꞌ chu̱ꞌ ñati̱ ―nacui̱―,
16pana taca cuaꞌni cuayáꞌ naꞌ jiꞌi̱ ñati̱. Loꞌo cuaꞌni cuayáꞌ naꞌ jiꞌi̱ nguꞌ ni, liñi chaꞌ nu ta naꞌ liꞌ, chaꞌ siꞌi ycuiꞌ ti naꞌ cuaꞌni cuayáꞌ naꞌ jiꞌi̱ nguꞌ liꞌ; loꞌo naꞌ loꞌo ycuiꞌ Ndyosi nu nda jnaꞌ lijya̱a̱ re, stuꞌba ti cuaꞌni cuayáꞌ ya jiꞌi̱ nguꞌ liꞌ ―nacui̱ Jesús―.
17Ndaquiyaꞌ tsa na jiꞌi̱ chaꞌ cusuꞌ nu nscua lo quityi cua saꞌni la; ndacua nscua sca chaꞌ nu nchcuiꞌ chaꞌ tyuꞌu lubii ñati̱ jiꞌi̱ scaa chaꞌ nu ntsuꞌu jiꞌi̱, nu loꞌo stuꞌba ti chcuiꞌ tucua tyaꞌa nguꞌ jiꞌi̱ chaꞌ biꞌ.
18Tsaca nguꞌ biꞌ laca naꞌ ―nacui̱ Jesús―, chaꞌ nchcuiꞌ naꞌ chaꞌ liñi cuentya jiꞌi̱ ycuiꞌ ca naꞌ; nu chaca nguꞌ biꞌ laca Sti naꞌ nu nda jnaꞌ lijya̱a̱ re.
19―¿Macala ntsuꞌu Sti nuꞌu̱ lacua? ―nacui̱ nguꞌ jiꞌi̱ Jesús liꞌ. ―Ná nslo ma̱ jnaꞌ tsiyaꞌ ti, loꞌo la cuiꞌ ti ná nslo ma̱ jiꞌi̱ Sti naꞌ ―nacui̱ Jesús jiꞌi̱ nguꞌ―. Si cua ndyuloo ma̱ jnaꞌ, la cuiꞌ juaꞌa̱ cua ndyuloo ma̱ jiꞌi̱ Sti naꞌ liꞌ.

Read SAN JUAN 8SAN JUAN 8
Compare SAN JUAN 8:13-19SAN JUAN 8:13-19