SAN JUAN 8:1-14

¹Chihno chicuahn Dihvo vo ihyan chahn ne, cuahn ye Cuete Olivo.

²Chi dave ta̱ma ro me ne, nda̱ tun ye, ne chenda̱ ye chete ya̱co. Ndo da̱ma nducoya̱ca ihyan na̱n ye, ne chihnde ye, ndevana̱n ricuahn ye ihyan chahn.

³Tuhme nda̱ sa̱hn devano ley che dirun Moisés ma̱n, sa̱hn fariseo ma̱n, nda se a̱ma ta̱hn nda̱hta che va incha̱hn te, che nta̱ca ihyan ta̱hn, ura che quendite te nduco chihyo te. Chihno se ta̱hn menda̱hn,

⁴ne ra̱hn se ri se Dihvo vo: ―Ihyan Ricuahn, ta̱hn tih ne, nta̱ca ihyan ta̱hn, ura che quendite te nduco chihyo te.

⁵Na̱n ley che dirun Moisés ne, rihquentiyon che ca̱hno nuhn ta̱hn che tihchan sih, nduco tu. ¿Me ndih, deh ra̱hn ne ne?

⁶Tihca̱ ra̱hn sa̱hn chahn, te retumarande se Dihvo vo, renuhn ino se ta̱ca̱ co ca̱ca nunde se yahn ye. Ate Dihvo vo ne, nde hua tumaca̱h ye yahn se, ne cana̱n dirun ye ndiya̱hn, nduco ndutita̱h ye.

⁷Quendi se retumarune se ihyan. Na̱n mena̱n ne, ndevandi cua̱co ye, ne ra̱hn ye ri ye sa̱hn: ―Adecochano nchuhn che metah nunde yahn ne ne, ca̱h ne tu ta̱hn.

⁸Chihno ra̱hn ye ne, ndaconan ndondih ye, ne quendi ye redirun ye ndiya̱hn.

⁹Chi cuihna̱n sa̱hn chahn che tihca̱ ra̱hn ye ri ye sa̱hn, te a devano se te chendihco se nunde, ne cana̱n ndiquenda̱h vah ca a̱ma ca a̱ma se, cona̱hn se, mena̱n vihca sa̱hn che tahque ndico chahn. Cuahn che a chihno cona̱hn se ne, a dema̱n ta̱hn nda̱hta me, nti te min.

¹⁰Tuhme ndevandi cua̱co Dihvo vo, ne tumerune ye ta̱hn: ―¿Tiya sa̱hn chahn che rih nunde se yehn ne? ¿A nde a̱ma se hua quendi se rih nunde se yehn ne?

¹¹Ndaconan te yahn ye, ne ra̱hn te: ―Hua Dihvé, nde a̱ma se. Tuhme ra̱hn ye ri ye ta̱hn: ―U ne, nchahcó nunde yehn. Ma̱n ne, conahn. Ametah ndaconan ndere cochique condihque nunde.

¹²Ta̱ma yune ne, ricuahn Dihvo vo ihyan, ne ra̱hn ye: ―U ne, anduhneca̱ a̱ma ya̱hn che ri ro dave na̱n ihyan iyehnse. Chemin che ihyan che ritahno ye u ne, conahn ye ndudo yáhn, ne ndedeváhn ihyan, cuahtenan ye vahchetero.

¹³Tuhme ra̱hn sa̱hn fariseo chahn ri se ihyan: ―Ndih ne, rendonan ma̱n ne ndih. Chemin ne, hua cochihve yahn ne.

¹⁴Ndahconan ye, ne ra̱hn ye ri ye sa̱hn: ―Ndudo che renté ne, cua̱co, andahre ra̱hn nchuhn che rendonan má̱n u, te u ne, devanó ti chicá ma̱n, ti ná̱hn ma̱n. Ate nchuhn ne, hua devano ne ti chicá nde huane ti ná̱hn.