San Juan 7:9-16

⁹Xi cavatju cachja me cojo xicjin me cjua vëhë ne, cavéjña ni me nangui rë me.

¹⁰Hane xi cavatju quiji xicjin Jesús suhi jan ne, hacuaha cojo Jesús quiji me. Peru hacuiin táha tsejen ta sacuaha xi táha hma quiji me.

¹¹Hya xi camá ne, xutaxa rë yungun jan ne, cavanguise me Jesús hiscan jima suhi jan. Cuitjin cavinenguise me: ―‍¿Jani tacun cha vëhë? ―‍Cuatjin cavinenguise me.

¹²Hane xutacjín jan ne, jercu visiajmihma me ngajñi rë me tsëhë Jesús. Ngujo me ne, cuitjin cachja me: ―‍Ngu xuta ndaja me. ―‍Cuatjin cachja me. Peru ngujo nga xuta ne, cuitjin cachja me: ―‍¡Jéya, vindacha cha xutacjín! ―‍Cuatjin cachja me.

¹³Peru tsajin hisca ngu xuta xi cachjatë me tsëhë Jesús ta, tsëhë xi tsacjun me xutaxa rë yungun.

¹⁴Quihndë ne, hya xi camavasen tijima suhi jan ne, quiji Jesús yungun xi matitjun, sehe cavetsihin cavicuya me xuta cjua rë Nina.

¹⁵Hane xutaxa rë yungun jan ne, quijircun rë me xi cuatjin jemu ndaja chja Jesús. Cuitjin cachja me ngajñi rë me cojo xicjin me: ―‍¿Hacutjin má xi cuarcu vechú cjuatacun rë cha vë xi hisca hacuiin cavutaya cha? ―‍Cuatjin cachja me.

¹⁶Ngajan xi Jesús ne, cuitjin cachja me cojo xutaxa rë xi cuacun jan: ―‍Cjua xi vicuyá rë xuta ne, hacuiin cjua naha suva ta cjua rë me xi catsingatju ná.