SAN JUAN 7:44-51

⁴⁴Altiül tandiümüw masapüw nej mamb tiül manchiüc, pero nejinguind ngo majntsop masap.

⁴⁵Wüx ajcüwa mongot monjiür nadam nangaj iüm tandilileaw niüng ajlüyiw fariseos maquiiüb montangtang miteaats, quiaj tatüneran manguiayaranüw: ―¿Wül, neol ngo mequiüjpan miün a naxeye? ―ajowiw.

⁴⁶Quiaj tapiüngüw a mongot monjiür nadam nangaj iüm: ―Nejinguind ngome áag mandeac atnej teamandeac aaga naxey ―awüw.

⁴⁷Quiaj tasajüw nejiw a fariseos: ―¿Ngwüy, at icona aton lamawaiich icon?

⁴⁸¿Neol, cuane ijawan, mbich aljane monajiüt tiül icootsa, ngwüy aljane tiül fariseos lamayariw andeac neje?

⁴⁹Ajcǘwan a nipilan leaw ngo majawüw wüx aaga poch tüünd Moisés, nejiw monyar andeac nej. Nejiw cuajparüw, apmambüw tiül ngo majneaj ―ajüw nejiw.

⁵⁰Alquiaj aaga Nicodemo, áag tamb majaw Teat Jesús noic ongwiiüts, cos nop nej fariseo aton. Quiaj tasaj nejiw:

⁵¹―¿Neol, nguiane tenguiayiün aag ayaja? Sajaw ngondom mayacaats asoet nop naxey sitiül ngome ombas mapajaats manguiayiiüts andeac, majawaats cuane arang ―aj nejiw.