37Jocua ara fiesta opata ma yave icavi ete opaete ĩru fiesta iara güi. Jayave Jesús uyemboɨ jare iñeeãta reve jei: —Ime yave quía iúe vae, tou checotɨ ɨ tou —jei—.
38Cheré güɨrovia vae güi usɨrɨta jeta ɨ tecove umee vae. Jucuarãi Tumpa iñee pe uyecuatía oĩ —jei.
39Jucuarãi uyemɨngueta Jesús Espíritu Santo re. Uipota jei umeeta Espíritu Santo güɨrovia jese vae reta pe. Echa'ã ndei umee Espíritu Santo. Echa'ã Jesús ndei oo ye ara pe.
40Cua uyandu yave, amocue joco pe ñugüɨnoi vae jei: —Cua cuimbae jocua Tumpa iñee umɨmbeu vae etei co.
41Ĩru vae reta jei: —Cua cuimbae Cristo, Tumpa ombou vae co. Ẽrei amocue vae jei: —¿Galilea pegua ra Cristo?
San Juan 7
San Juan 7:37-41