San Juan 7:3-14

³rëb ree bijch Jesús lojman: ―Brii, wej niz Judea, din në ree xbejnl bén rigaꞌ ree niz ni guguiaa milagr rüjnl.

⁴Din chi chu rën gagbee bejn ni rüjnman, ad rayalt güünman laan ralan. Yan ziꞌc rüjnl milagr ree, beenan loj gra ree bejn.

⁵Gunee ree bijch Jesús zian, guial niꞌqui laa reeman ad rliladxt laaman.

⁶Dxel rëb Jesús loj reeman: ―Ad wadxint da horan, per par lëjt xhietëëz horan na̱j zagdxe.

⁷Ad zajct guidxeꞌch bénguidxliuj lëjt, saꞌn naj rdxeꞌch reeman naj guial rën loj reeman ad laat na̱j ni rüjn reeman.

⁸Gol wej lanij guin, saꞌn naj ad zazaagajtan, din ad wadxint hor ni gazaan.

⁹Chi gulox rëbaman loj reeman zian, bayaꞌnman Galilea.

¹⁰Chi ma zë ree bijch Jesús, dxel nëman zë lanij guin, per ralanzi zëman chitëë chu gagbee.

¹¹Per yuꞌ ree bén Israel raguiil laaman loj lanij guin, rëb reeman: ―¿Con bén guin yaꞌn?

¹²Loj gra ree benzien we lanij guin, zienloj ni rniee reeman Jesús. Yuꞌ reeman rëb: “Benzaꞌcan”, yuꞌza reeman rëb: “Ad benzaꞌctan, rusquieeman bejn ree.”

¹³Per achutczi ruzaꞌt laaman loj gra bejn, guial rdxeb reeman guxtis Israel ree.

¹⁴Chi gurol xuman ni cayajc lanij guin, guyu Jesús lën yadooroꞌ Jerusalén, abiꞌ guzuloj culüüman bejn ree.