Text copied!
CopyCompare
Sir chihtá - San Juan - San Juan 7

San Juan 7:14-20

Help us?
Click on verse(s) to share them!
14Bach bitác yajcayat, Jesús Sir usar raújacro. Rauwir uw síw̃jacro.
15Jesusat siw̃yat judío cárinat Jesusat siw̃quey rahjacro. Rahcuír ub yehw̃ír wajacro: —¿Uniqui? -wajacro-. Eyra sinay biti binro. Eyta cuar urán bow̃an tahnacro, wajacro. Etat Jesusat wajacro:
16—Aját ajmár chihtá síw̃tiro. Sirat as áyjaquey chihtá siw̃ro, -wajacro-.
17Bíyinat Sir chihtá yaj cun réhctara éyinat uch istátaro. Aját Sir chihtá cut síw̃ictara, ajmár chihtá cut síw̃ictara ey istátaro, -wajacro-.
18Biyat ima chihtá cut tew̃yat, eyat im ojcor cahujinat ay wacayta acu tew̃ro. Eyta cuar biyat im ayquey ojcor cahujinat ay wacayta acu tew̃yat, eyat uní tew̃ro. Ay batra icrí yájtiro, wajacro.
19’Moisesat ba quin Sirat wajaquey ehcujacro. Sir bach cáritan, chihtá cáritan baat yacayta acu wíjacro. Moisesat Sir bachan chihtán ehcujác cuar, ba úbisti bíyati ay báchutiro, -wajacro-. ¿Bitara reht as yau cun rehqui? wajacro.
20Etat uw ricát wajacro: —Behmá cuicát isó bicaro. Rehrát bah yauwin séhw̃atiro, wajacro.

Read San Juan 7San Juan 7
Compare San Juan 7:14-20San Juan 7:14-20