San Juan 7:1-9

¹Sun kitpane, Jesúsne Galilea suwara chara. Judea sukin ɨshitchi, sua Judío awa ɨnintuz ussa piantashiamtu akwa.

²Judío awawa katsa pishta kasha pamɨzta. Sun pishtara Judío awane ainki ɨranchu saat kit sua uzara.

³Paiña aimpihshtuzne ussa kaizara: —Apain nukkulmun. Judea sura ɨtpa, nuwa kanpamtuz up kal kimtu aizpa izanapa.

⁴Nu kimtu aizpa puinmun, akkwan awa nu kimtu aizpa piankamanapa. Nune kwisha watsal kal kimtu. Katmizna sun kitpa, wan awa up kal izanapa.

⁵Paiña aimpihshtuzne us watsat mɨlmumika i nɨjkularachi.

⁶Jesúsne kaiznara: —Ma payu nane Jerusalén pɨpulura chamanash. Uruzne chiwazha urara ɨashinai.

⁷Ma uztuzne uruza aliz kulamanazi. Uspane nawa aliz kulamtu, na usparuza kwail kiamtu kiznamtu akwa. Katmizna uspane nawa pashiamtuchi.

⁸Une pishtara ɨrain. Nane ɨmtuchish, na ap wat ɨmtu payu taiztachi akwa.

⁹Usparuza sun kiznarawane, Galilea sura nukkulta.