SAN JUAN 6:57-68

⁵⁷Nechtilanic Dios noTajtzin hual yuli, huan nehual niyuli pan ipampa Dios noTajtzin. Pampín yoje yulis pan nopampa nehual aqui yes hual nechcuas.

⁵⁸Nehual niunca in pan hual quisac pin cielo huan temuc ca niquic. In pan amo unca quinami in pan hual quisac pin cielo hual quicuaje anmotajtzitzían huan miquije. Aqui hual quicua in pan hual niquijtutica amo quiman mocahuas pa yulis.

⁵⁹Innojen lajtomes quinmilic pin tiopan nepa Capernaum capa lamaxtiaya.

⁶⁰Quicaquije inon míac ca imonextilinijmes huan quijtuje: —Innojen lajtomes lacualantilo huan ejꞌetiaxticate pa ticmatisi len quinequilo quijtulo. Amaqui quinequis quicaquis, amo huil quimati se len quinequilo quijtulo.

⁶¹Quimatic Jesús laijtic yihual quinami molaquetzililoaya imonextilinijmes inahuac len quinmiliaya huan amo quixtocaloaya len quilic. Pampín quinmilic: —¿Amo anquixtoca in hual annimitzilic?

⁶²Cuaquinon, ¿len anyahui anquijtúa pin tonali annechitas nehual ilacal in cielo nilejcutica ca capic nicatani nepa pin cielo quiman ayamo nihualac pan lalticpan?

⁶³Xicmatican pampa unca in Espíritu hual layuliltía. Se inacal icuerpo amo lapalehuía nindeno pa layuliltis. In lajtomes hual annimitzilic quiyuliltilo se iyolo huan in yulilisli huejcahuas, amo quiman lamis.

⁶⁴Ma yoje, sequin ca amhuanten amo annechneltoca. Quinmilic Jesús inon, pampa yihual quinmiximatic quiman pehuac itequipanulisli yehuanten hual amo quineltocaje. Huan quimatic aqui yahuiaya quitemaca ca yehuanten hual quinequiloaya quimictilo.

⁶⁵Huan quinmilic: —Pampa inon annimitzilic amaqui huil huala ca nehual sinda Dios noTajtzin amo quimacahuiltía.

⁶⁶Quinmilic inon, mocuepaje míac ca imonextilinijmes, yajmo quitocaje.

⁶⁷Cuaquinon Jesús quinmilic in doce imonextilinijmes hual mocahualoaya, quinmilic: —¿Amhuanten noje anquinequi anmohuica?

⁶⁸Quinanquilic Simón Pedro, quilic: —Tata, ¿ca aqui tiasi? Tehual tiquinpía lajtomes hual layuliltilo ca Dios iyulilisli hual amo quiman lamis.