San Juan 6:55-69

⁵⁵Ap ñane watcha kumirakanain i. Ap aimpikas watcha kwazikanain i.

⁵⁶Na u akwa irɨt akwa, nawa saptumikane nakasa wanmaktu. Nakas uskasa wanmalnash.

⁵⁷Ap Taittane, nawa ɨnintamikane, uztu. Nakas us akwa uztus. Sunkanain nawa sapturuzne na akwa uzanazi.

⁵⁸Nane chiyuras amtumikawa paramtus. Nane pankanain namtɨt ish. U ñancha kwal sun kumirakana kuarachi. Sun maná pan kuarakas, kwiztane iara. An chiyuras amtumikasha sapturuzne pailta payukima uzanazi.

⁵⁹Jesúsne Capernaum pɨpulura Judío kamtam yalkin sun kamtanara.

⁶⁰Sun kamtam mɨarawane, akwan Jesústa kanpamtuzne ka kaizara: —An kamtam pit kwisha sam i sapna. ¿Mɨnma sun pit mɨshinai?

⁶¹Jesúsne paiña kanpamtuz kain kaizamtu aizpa piankam kit mɨmanara: —¿Ap kamtam mɨasachimakkiwas? ¿Nawa chɨhkashimtumakkiwas?

⁶²Nane chiyuras ampune an ñamin ap uzmukin uztau. U mamasa nawa chiyura numtu izarane, ¿Chima minñamtuas?

⁶³Diospa Izpulmin awaruza uzninnamtu. Awain sun kisachi. Ap pit uruza kaiznamtu: “Diospa Izpulne awaruza uzninnashina.”

⁶⁴Mama mɨnpazha ukis nawa nɨjkulamtuchi. An ñamin Jesúsne nɨjkultuchiruzakas ussa chɨhkamtumikashakas piankam

⁶⁵kit kaizta: —Sun akwa nane uruza ka kaiznarau: “Ap Taitta mazara karamtuchine, mɨnminkas nakin asachi.”

⁶⁶Sun urain akkwan paiña kanpamtuzne Jesústa kwaiyat kit uskasa cɨhkaarazi.

⁶⁷Suasne Jesúsne paiña doce kammuruza mɨmanara: —¿Ukas ɨshimuskiwas?

⁶⁸Simón Pedrone sɨnkara: —Anpat. ¿Mɨnama kanpana ɨpai? Up pitne aumɨza uznintu.

⁶⁹Aune nua nɨjkultamakpas me. Aune nua piankamtamakpas. Nune Cristo i. Nune Diospa sɨnammika i.