San Juan 6:54-59

⁵⁴Cherete jare cherugüɨ jou vae güɨnoi tecove opa mbae vae, jare ambɨjecove yeta aru umanocue vae reta ipɨte güi ara taɨcuegua vae pe —jei—.

⁵⁵Echa'ã cherete jare cherugüɨ tembíu añetete vae co —jei Jesús—.

⁵⁶Cherete jare cherugüɨ jou vae ico che ndive jare che aico jae ndive —jei—.

⁵⁷CheRu güɨnoi tecove opa mbae vae jare jae chembou, jare che anoi tecove opa mbae vae cheRu güi. Jae ramiño vi jocua cherete jou vae güɨnoita tecove opa mbae vae chegüi —jei chupe reta—.

⁵⁸Che co jae tembíu ara güi ou vae. Cua tembíu jae'ã co jocua tembíu petenondegua reta jou vae rami. Echa'ã jae reta umano. Ẽrei ipotave cua tembíu jou vae güɨnoita tecove opa mbae vae —jei.

⁵⁹Jucuarãi jei Jesús judío reta itupao pe, Capernaum pe oporomboe oĩ yave.